Դասընթացի մասին
Դասընթացը հասանելի կլինի ՇՈՒՏՈՎ
Այսօր երեխաները շատ ավելի վաղ են առնչվում փողին, քան մենք երբևէ էինք առնչվում նրանց տարիքում։ Նրանք տեսնում են ինչպես ենք վճարում քարտով կամ հեռախոսով, առցանց գնումներ կատարում, շարունակ հանդիպում են գովազդների, որոնք անընդհատ ինչ-որ բան «ուզելու» ցանկություն են ձևավորում։
Բայց այդ ամենի կողքին շատ հաճախ բացակայում է ամենակարևորը՝ բացատրությունը, թե ինչ է փողը, որտեղից է այն գալիս և ինչպես է պետք այն կառավարել։
Դասընթացը կառուցված է այնպես, որ երեխան ոչ միայն ինֆորմացիա ստանա, այլ սկսի մտածել փողի մասին գիտակցված և կիրառել սովորածը իրական կյանքում։ Մենք քայլ առ քայլ անդրադառնում ենք այն թեմաներին, որոնք ձևավորում են առողջ ֆինանսական մտածելակերպի հիմքը․
- Ինչ է փողը և ինչպես է այն առաջացել
- Որտեղից է հայտնվում փողը ընտանիքում
- Ինչու փողը սահմանափակ ռեսուրս է և ինչու չի կարելի «պարզապես շատ տպել»
- Ինչու է փողի արժեքը փոխվում ժամանակի ընթացքում (գնաճ)
- Կարիք և ցանկություն տարբերակելը
- Բյուջե կազմելու հիմունքներ
- Խնայողություն և նպատակ դնելու կարևորություն
- Փոքր քայլերով գումար կառավարելը
- Աշխատանք, նախաձեռնություն և ձեռներեց մտածողություն
- Ինչպես կարող է փողը “աշխատել” ժամանակի ընթացքում (խնայողություն, ավանդ, ներդրման գաղափարի հիմունքներ)
Մեր նպատակն է, որ դասընթացի ավարտին Ձեր երեխան ոչ միայն իմանա, թե ինչ է փողը, այլև ունենա ձևավորված մտածելակերպ՝ լինելու նախաձեռնող, խնայող և անվտանգ մերօրյա թվային աշխարհում։
